Nderhyrje kirurgjikale per te korrigjuar hunde te bllokuara?

Shumë njerëz vuajnë nga bllokimi i hundëve. Ky mund të jetë tregues i nje problemi kronik në lidhje me frymëmarjen, i cili nuk gjen zgjidhje me trajtime të zakonshme. Bllokimi mund të lidhet me probleme strukturore në brendësi të hundës ose enjtje të shkaktuara nga alergji apo viruse.

Shkaqet e obstruksionit nazal janë të shumta.Septumi mund të jetë i shtrembër apo thyer si rezultat i një anormaliteti në rritje apo aksidenti. Si pasojë, bllokohen pjesërisht apo plotësisht njëra apo të dyja rrugët e kalimit të ajrit. Deviacioni i septumit korrigjohet me anë të procedurës kirurgjikale të quajtur septoplastikë. Ndryshimet estetike mund të kryhen në të njejtën kohe me procedurën e kombinuar të quajtur septorinoplastikë.

Rritja më shumë se duhet i indeve në brendësi te rrugëve të kalimit të ajrit në hundë, mund të jëtë një tjetër shkak i bllokimit të hundëve. Trajtimi i këtij problemi konsiston në zvogëlimin e këtyre indeve dhe zgjerimin e rrugëve të kalimit të ajrit. Trajtimi përfshin injeksione apo heqje të pjesshme. Alergjitë, janë gjithashtu faktorë që shkaktojnë bllokime nazale, ndaj është e rendësishme nënshtrimi ndaj terapisë.

Mosha është faktor i zakonshëm qe shkakton obstruksion nazal. Kjo ndodh si rezultat i dobesimit te kartilagos së hundës dhe rënies së majës së saji nga mosha. Ndaj dhe me kalimin e viteve frymemarja me gojë bëhet normale. Nëse një i moshuar provon të ngrehë majën e hundës me dorë, do të shohë se frymemarja bëhet më e lehtë. Në këtë moshë duhet vlerësuar nëse ja vlen apo jo ndërhyrja kirurgjikale.

Kliko Ketu per te pare vendndodhjen e klinikes sone